Projekti i fundit i aktores Angelina Jolie ishte në Kamboxhia, në kuadër të premierës së filmit “First They Killed My Father”.

Ajo u shfaq në krah të fëmijëve të saj Shiloh, Pax, Knox, Vivienne, Zahara dhe Maddox. Këtë të fundit e birësoi në jetimoren e Kamboxhisë në vitin 2002.

Jolie mbajti edhe një konferencë për shtyp në lidhje me premierën botërore, shkruan Mirror.co.uk transmeton arbresh.info.

“Kamboxhia është si një shtëpi e dytë për mua. Në këtë film kam dashur të them historinë përmes syve të fëmijëve dhe këndvështrimit që ata kanë për familjen, dashurinë dhe të tregoj bukuritë e vendit të tyre”, u shpreh ajo në këtë konferencë.

Kjo është dalja e parë publike e aktores 41-vjeçare që pas divorcit nga bashkëshorti Brad Pitt, në shtator të vitit 2016.

Përndryshe, filmi trajton temën e një biografie të aktivistit për të drejtat e njeriut, Loung Ung, njëkohësisht edhe mik i aktores.

Këtë film do të keni mundësi ta shihni në Netflix brenda këtij viti./Arbresh.info/